Actividade comunitaria en Oleiros

Abstract

[GLG] A idade escolar é unha etapa fundamental para a adquisición de hábitos. Por este motivo, no ano 2023, o Servizo de Atención Primaria de Oleiros realizou unha actividade comunitaria con escolares. Organizáronse dúas charlas para abordar a clasificación dos alimentos e as recomendacións nutricionais. Pola súa vez, impartíronse talleres para aprender a organizar os alimentos segundo a súa composición e a frecuencia de consumo. Así mesmo, o alumnado elaborou un prato saudable con alimentos réplica. Tras a intervención, realizouse unha enquisa para coñecer a valoración dos escolares.