O cribado do cancro de cérvix en Galicia

Abstract

[GLG] O Virus do Papiloma Humano (VPH) é clave na aparición do cancro de cérvix, obxectivo da Estratexia Mundial para Acelerar a Eliminación do Cancro de Cérvix. En Galicia, o programa de cribado iniciado en 2022 acadou ampla implantación e unha participación do 62,5%, destacando a autotoma como opción maioritaria. A detección de VPH de alto risco permite identificar lesións precursoras e cancros en fases iniciais, mellorando o prognóstico. Ademais, a vacinación ampliada reforza a prevención, contribuíndo á redución da incidencia e mortalidade desta enfermidade.