Cirrose e carcinoma hepatocelular atribuible aos virus da hepatite C e da hepatite B en Galicia de 2016 a 2021

Abstract

Obxectivo: Avaliar o impacto das estratexias de eliminación da hepatite C e B como problemas de saúde pública en Galicia. Metodoloxía: Análise de datos de altas hospitalarias (RAE-CMBD) en hospitais galegos, tanto públicos como privados, entre 2016 e 2021. Definicións de caso baseadas nas clasificacións CIE-9 e CIE-10 para infeccións agudas e non agudas de VHC e VHB, cirrose e hepatocarcinoma. Resultados principais: Entre 2016 e 2021, rexistráronse 7.401 ingresos por primeira vez con diagnóstico de hepatocarcinoma ou cirrose. A fracción de hepatocarcinomas e cirroses atribuíbles ao VHC amosou unha tendencia decrecente, representando o 9% dos casos en 2021. A fracción de hepatocarcinomas e cirroses atribuíbles ao VHB mantívose estable no 1,3% durante o período estudado. Os pacientes infectados co VHC mostraron características demográficas coñecidas, como predominio de homes e distribución bimodal dos anos de nacemento. Conclusións: A diminución da fracción de casos atribuíbles ao VHC suxire un descenso na prevalencia da infección. Os datos sobre a infección por VHB complementan outros estudos destinados a avaliar o progreso cara á eliminación desta enfermidade como problema de saúde pública.